Eredienste

Die erediens word opgeneem elke Sondag en word dan op YouTube gelaai. Gaan volg ons gerus by hierdie skakel:

https://www.youtube.com/channel/UCSkHFIgYUzywZm4aZ0zAlWw

Die erediens vind elke Sondagoggend om 09:30 plaas in die kerk. Die Jeugdienste vind plaas om 18:30 in die kapel. In hierdie grendeltyd is daar streng reëls wat toegepas moet word. Vind asseblief ‘n paar enkele punte rakende die diens:

  • Almal moet hulle plek by Tandi bespreek en verkieslik voor Vrydag 12:00. Ons beplan om in die komende paar weke 3 keer te doop en dit is dus belangrik dat jy so vroeg as moontlik jou plek sal bespreek.
  • Daar is net een ingang oop – dit is die kapel se deur
  • By hierdie ingang sit iemand met die termometer en saniteerder, gereed om jou inligting na te gaan.
  • Die sitplekke in die kerk is met rooi kaartjies gemerk. Dit is volgens reëling ver genoeg van mekaar, met ‘n bank tussen elke ry, oop. Daar is meer as genoeg ruimte om 50 mense te akkommodeer!
  • Niemand (nie eers familie nie) mag langs mekaar sit nie en almal word versoek om te hou by hierdie reëling.
  • Ons versoek vriendelik dat julle nie op die nippertjie by die diens aankom nie.
  • Die deur word dan gesluit, daarom sal jy nie die gebou na 09:30 kan binnekom nie.
  • Daar is steeds iemand wat by die motors waghou.
  • Die dra van ‘n masker is verpligtend – ook tydens die diens.
  • Ons mag nog steeds nie sing nie – Stéfan gaan vir ons voor met solosang (Ons is opnuut dankbaar dat die Here ons geseën het met Stéfan en sy gawes!)
  • Daar is ‘n houer by die deur waar ons die erediens verlaat, waar offergawes en dankoffers ingegooi kan word.
  • Geen kuiers word na afloop van die diens in die parkeerterrein toegelaat nie.
  • Die Jeugdienste het ook hervat en vind om 18:30 in die kapel plaas – daar is egter nie hierdie naweek ‘n Jeugdiens nie, omdat dit langnaweek is.
  • Die bywoon van die erediens is veel veiliger as om die winkels te besoek. Moenie dat die virus sondermeer ‘n verskoning vir jou word om nie erediens by te woon, terwyl jy met groot gemak ander plekke besoek nie.
  • Die sitplekke word elke Maandag skoongemaak en gereed vir die volgende erediens.